Qëndrimi i Marash Kumbullës te Roma ka nisur që të jetë shumë i dëmshëm. Kjo pasi Murinjo e preferon pak në lojë gjatë kampionatit, me mbrojtësin shqiptar që ulet menjëherë në stol pas një gabimi të vetëm.
Sigurisht që aktivizimi i Kumbullës në ndeshjet përgatitore nuk është asnjë tregues se diçka po ndryshon. Përkundrazi, një dashuri vere e tillë ishte edhe në sezonin e kaluar, por në fund Marashi përfundoi duke i parë ndeshjet nga stoli në shumë raste.
Mediat italiane kanë bërë të dituar së fundmi se mbrojtësi i Shqipërisë nuk do të lëvizi nga Roma. Megjithatë kryeqytetasit janë duke e kërkuar një tjetër lojtar në këtë rol, si për të treguar qartë mungesën e besimit. /Sport Ekspres/