Prishtina fitoi derbin e kësaj jave ndaj Lirisë me rezultat 1 me 0. Një ndeshje plot emocione ajo e luajtur sot, teksa duhet theksuar se skuadra kryeqytetase luajti me një futbollist më pak në 20 minutat e fundit, pasi Debatik Curri ishte ndëshkuar me kartonin e dytë të verdhë në minutën e 71. Ishte goli i Armend Dallkut që i siguroi fitoren Prishtinës. Ai shënoi në minutën e 86 pas një asisti perfekt nga Mentor Mezrekaj. Për Lirinë e Bledi Shkëmbit një humbje që “djeg”, duke qenë se nuk shfrytëzuan kështu superioritetin numerik. Kurse ndeshja tjetër ndërmjet Dritës dhe Flamurtarit përfundoi me rezultat 0-0.