Zakonisht merkatoja zhvillohet në verë dhe ndonjë meremetim bëhet në janar, por duket se Egnatia është një kantier që nuk ndalet, gjatë gjithë sezonit.
Sot në Rrogozhinë është prezantuar mbrojtësi Kristian Nuosu Toçuku, 19 vjeç, i regjistruar prej javësh.
Pas tij është prezantuar edhe sulmuesi nigerian Kristian Ezike.
18 vjeç, 1.90 i gjatë, edhe Ezike është regjistruar që në janar, por tani është bashkuar në skuadrën rrogozhinase.
Është operacioni i radhës mes Egnatias dhe kompanisë së menaxhimit Okam Soccer, që ka sjellë në Rrogozhinë gjithë të huajt e talentuar që kërkojnë një trampolinë drejt futbollit të rëndësishëm.