Arabia Saudite vazhdon të mbërthejë vëmendjen mediatike sa i përket futbollit. Këtë herë ky vend do të ketë një miqësore ku PSG do të përballet me lojtarët e Al Nassr dhe Al Hilal. E thënë ndryshe, do të jetë një ndeshje ku Mesi do të përballet kundër Kristiano Ronaldos.
PSG do të fitojë 10 milionë euro për faktin se do të shkojë në Arabinë Saudite për këtë ndeshje. Ndërkohë një çmenduri e vërtetë është interesi mbi këtë takim. Deri tani mediat raportojnë se 2 milionë njerëz kanë kërkuar një biletë për të qenë në shkallët e stadiumit, por vetëm 50.000 do të kenë fatin për të parë ndeshjen. /Sport Ekspres/