Fundi i këtij viti pret Kupën e Botës, që për herë të parë do të zhvillohet në dimër. Diçka e tillë ka bërë që futbolli europian të ndryshojë kalendarin për t’ju përshtatur turnout më madhor për Kombëtaret. Në këto kushte UEFA ka përshtatur kalendarin e saj për Champions League, që sezonin e ardhshëm do të zhvillohet ndryshe nga herët e tjera.
E detyruar nga Kupa e Botës, faza e grupeve të kompeticionit më të rëndësishëm për klube do të përfundojë më 2 nëntor. Shorti për këtë fazë do të mbahet më 25 gusht, ndërsa përballja e parë do të luhet më 6 shtator 2022./Halit Delibashi-Sport Ekspres/
Kalendari i fazës së grupeve për Champions League 2022/2023
6/7 shtator 2022 ndeshjet e para të fazës së grupeve
13/14 shtator 2022 ndeshjet e dyta të fazës së grupeve
4/5 tetor 2022 ndeshjet e treta të fazës së grupeve
11/12 tetor 2022 ndeshjet e katërta të fazës së grupeve
25/26 tetor 2022 ndeshjet e pesta të fazës së grupeve
1/2 nëntor 2022 ndeshjet e gjashta të fazës së grupeve