Anis Mehmeti do të transferohej te Bristol City me fanellën e titullarit. Talenti i Shqipërisë fitoi shpejt besimin e trajnerit për mënyrën sesi luante në fushë dhe driblimet dehëse. Megjithëse nuk kaloi shumë kohë dhe kritika e parë mbërriti nga trajneri i anglezëve, Mehmeti duhet të pasonte më tepër për shokët e ekipit pasi kërkonte të zgjidhte gjithçka i vetëm.
Më pas mbërritën disa ndeshje radhazi ku Mehmeti qëndronte në stol, në jo pak herë pa e parë fare fushën e blertë. Ndërkohë në ditën e sotme, vendimi i trajnerit ka shkuar një hap më larh. Bristol City do të përballet me Burnley dhe Anis Mehmeti nuk gjendet në skuadër. Për momentin nuk është ende e konfirmuar zyrtarisht, por në mediat britanike flitet se ky ishte një vendim teknik i trajnerit dhe Mehmeti nuk është i dëmtuar. /Sport Ekspres/