Çfarë nuk blihet me para, blihet me më tepër para. Kjo është motoja që po shoqëron merkaton e klubeve arabe. Pas transferimit të lojtarëve me emër si Ronaldo, Benzema, Brozoviç, Kulibali etj. tashmë synohen edhe trajnerë që kanë bërë histori në Europë. “Marca” raporton se Al Ahli kërkon të ukë në stol Diego Simeonen.
Ky i fundit është trajneri më i paguar në botë dhe paratë nuk janë një problem për të. Por kjo nuk e ndal klubin arab të ëndërrojë. Nicolo Schira zbulon se Al Ahli ka paraqitur një ofertë prej 40 milionë eurosh në sezon, 10 milionë më tepër se sa rroga aktuale. Mësohet se kemi të bëjmë me një kontratë afatgjatë, që pret përgjigjen e Simeones./Sport Ekspres/