Ditët e fundit dolën thashethemet se futbollisti me origjinë shqiptare, Milot Rashica do të transferohej tek Milani. Stefano Pioli ka patur një pëlqim mjaft të madh ndaj cilësive të lojtarit në repartin e sulmit. Gjithashtu dhe Altin Lala bëri një vizitë në Milano, çka e bëri më të sigurtë kalimin e shqiptarit tek gjigandi italian.
Megjithatë vizita e menaxherit të Rashicës, Altin Lala ka shkuar të tjera arsye dhe jo për të folur mbi të ardhmen e sulmuesit. Portali Milannews.it ka kontaktuar vetë me Lalën dhe ky i fundit u shpreh se nuk ishte arsyeja Rashica për këtë udhëtim të bërë në Itali.
24 vjeçari do të largohet nga Werder Bremen, por klubi nuk ështe i gatshëm ta largojë lojtarin për më pak se 25 milionë euro. Edhe Liepzig është i interesuar për të marrë shërbimet e lojtarit, me qëllim përforcimin e repartit të sulmit. /Elio Hajdari- Sport Ekspres/