Armando Broja ka arritur që të realizojë golin e parë me fanellën e Chelsea-t A. Sulmuesi shqiptar tundi rrjetën kundër Peterbourg, duke dhënë edhe një asist në fitoren e arritur me shifrat 6-1. Kjo ditë është për t’u mbajtur mend nga ana e lojtarit 19-vjeçar.
Jo vetëm sa i përket lënies së gjurmës në miqësore, por në ditën e sotme do të vijë edhe zyrtarizimi i kontratës së re me Chelsea. Armando Broja ka firmosur edhe për 5 vite të tjera në kontratë dhe shihet si e ardhmja e skuadrës së njohur në “Premier League”. /Sport Ekspres/