Çani ngjit Partizanin të katërtin, Flamurtari me ritmin e Lushnjës

0

Një gol, terren i rënduar, por shumë emocione në Selman Stërmasi, ku Partizani ka fituar 1-0 ndaj Flamurtarit dhe e ka parakaluar në renditje. Partizani donte hakmarrje për humbjet në kampionat e kupë dhe ia ka dalë mbanë duke shfrytëzuar momentin e zi të vlonjatëve, që nuk kanë as lojtarë e as moral, ndërkohë që nuk dinë të shënojnë më as me portën bosh.

Partizani e Flamurtari kanë zhvilluar një pjesë të parë të mirë, aq sa ishte e mundur në atë fushë plot baltë e pellgje uji.

Partizani e nisi fort, duke tentuar të vinte në vështirësi një Flamurtar me mungesa pa fund, që humbi edhe Zhufo për dëmtim.

Dy pretendime për penallti, nga një në secilën zonë, por në fund Flamurtari humbi dy raste të pabesueshme, me Zukën dhe Danilo Alvesh, të dy vetëm me Alban Hoxhën, të dy gjuajtje jashtë.

Sapo nisi pjesa e dytë, Edgar Çani u fut në vend të Bardhit dhe në minutën e 53-të shënoi golin e parë të ndeshjes. Kros nga e majta e Smith të kuq, kërcim i fuqishëm dhe Çani me kokë shënon një gol fantastik. Kaq, sepse Flamurtari nuk reagoi dot, edhe pse tentoi gjatë e u spostua në mesfushën kundërshtare.

E hënë, më 19 mars 2018, ora 17:00

Partizani-Flamurtari 1-0

Shënues: Çani 53′

Partizani: Hoxha, Ibrahimi, Belica, Gojkovic, Kotobelli, Mala (Çulum 77′), Batha, Trashi, Asani (Lukas 67′), Bardhi, Progni. Trajner: Klevis Dalipi

Flamurtari: Sali, Deliaj, Pollozhani, Veliu, Musta (Kamara 60′), Sidibe, Useini, Hoxhaj (Hyseni 86′), Zhufo (Zuka 29′), Alvesh, Bushiç. Trajner: Shpëtim Duro

Kartonë të verdhë: Çulum 82′ / Musta 10′, Veliu 17′, Hoxhaj 26′, Zuka 76′, Sidibe 81′

Gjyqtarë: Andi Koçi, Fatmir Lamaj, Ridiger Çokaj

You might also like
Leave A Reply

Your email address will not be published.