Një zhvillim i papritur mund të vijë për Agim Ibrahimin. Ish-kapiteni i Dinamos mund të tërhiqet nga futbolli që në moshën 33-vjeçare. Këtë e paralajmëron media “Sportmedia.mk” në Maqedoninë e Veriut. Sipas saj, po hidhet ideja që Ibrahimi të marrë postin e drejtorit sportiv te Shkëndija e Tetovës.
Mbetet që të shihet sesi do të zhvillohen negociatat dhe nëse lojtari do të japi pranimin e fundit, ndërsa këto kohë i ka marrë për të reflektuar dhe për t’u qetësuar disi pas atij sezoni për t’u harruar me Dinamon. /Sport Ekspres/