Në fundin e muajit tjetër do të mësojmë edhe fituesin e Topit të Artë për këtë vit. Tashmë janë bërë të njohura edhe kandidaturat për fituesin. Alex Ferguson mbetet një besnik i përjetshëm i Kristano Ronaldos, njeriu që e mbështeti nga dita e parë dhe vazhdon po njësoj me portugezin.
I pyetur mbi fituesin e mundshëm, Ferguson nuk ka një tjetër përgjigje: “Kristano e meriton që të fitojë Topin e Artë këtë vit. Ka zhvilluar futboll fantastik këtë vit dhe theu të gjitha rekordet e mundshme. Ka qenë në nivel të pabesueshëm në gjithë këto vite dhe nuk po dorëzohet. Shpresoj se do t’ia japin”, tha Ferguson. /Elio Hajdari-Sport Ekspres/