Eneo Bitri mund të cilësohet si “besniku i përjetshëm” i Partizanit. Pavarësisht se mund të largohet nga të kuqtë, gjithmonë është me zemër dhe mendje te kjo skuadër. Këtë e ka treguar në jo pak raste, jo vetëm në deklarata, por edhe duke qenë prezent fizikisht në derbi apo në momentin e ngritjes së titullit, sa herë i jepet mundësia e udhëtimit për në Shqipëri.
Më herët Eneo Bitri ka luajtur edhe për Astanën. Megjithatë përpara Partizanit nuk mund të vendos askënd tjetër. I pyetur nga gazetarët në Kazakistan për diferencën mes dy ekipeve, Eneo Bitri nuk mendohet gjatë, Partizani do të shkojë në fazën e grupeve.
“Do të jetë një ndeshje e vështirë për të dyja skuadrat. Është e vështirë të bësh ndonjë parashikim. Taktikisht Partizani është më i fortë se Astana, por Astana ka lojtarë më cilësor. Mendoj se Partizani do të shkojë më tej dhe do të kualifikohet në fazën e grupeve të Conference League”, tha Bitri. /Sport Ekspres/