Vazhdojnë takimet miqësore në Kategorinë e Parë, që do të nisë në mesin e muajit shtator.
Sot në Lezhë u ndeshën Besëlidhja e Iliria, dy skuadra që kanë punuar shumë këtë verë, duke afruar e larguar lojtarë.
Besëlidhja, tashmë e drejtuar nga Anteu Pepaj, fitoi 2-0, me nga një gol në çdo pjesë nga Omar Turadi Kamara dhe Frroku.
Një ndeshje e mirë nga lezhjanët, që treguan se e kanë rindërtuar skuadrën, ndërsa Iliria nuk u paraqit keq, por humbi shumë raste për shënim.