Partizani arriti që të fitonte të dyja ndeshjet kundër Sfintul Gheorge. Në përballjen e parë të kuqtë ia dolën në shifrat 5-2, ndërsa në sfidën e kthimit kishte sërish triumf 2-3. Por turi i dytë ishte i pamëshirshëm për djemtë e Dajës që duhet të ndeshen me Bazelin. Skuadra zvicerane ka prezantuar kundërshtarin e saj në faqen zyrtare duke njoftuar edhe tifozët sesi mund t’i blejnë biletat.
Nga krahu tjetër trajneri i Partizanit, Daja, duhet të bëjë llogaritë sesi mund të ndalet Edon Zhegrova. Lojtari i Kosovës është pika e rëndësishme e Bazelit dhe është thuajse i pandalshëm nga krahët. Por gjithashtu te Bazeli është kthyer nga dëmtimi i gjatë Taulant Xhaka që pritet të ketë minutat e tij me Partizanin për t’u rikthyer në fushën e blertë. /Sport Ekspres/