Barcelona nuk ka rival në Spanjë dhe nëse nuk e ndal dot as Real Madridi, askush nuk ia del dot më.
Kryesuesit e kampionatit spanjoll triumfuan sot 3-0 në Bernabeu, duke i dhënë një leksion futbolli Realit, i fishkëllyer nga tifozët e vet.
Ekuilibër në pjesën e parë, kur loja nuk ishte e bukur dhe rastet për shënim të pakta, por në pjesën e dytë Luis Suarez shënoi në minutën e 54-t dhe gjithçka mori fund.
10 minuta më vonë Barcelona luajti tenis në zonë, derisa Karvahal shkaktoi 11-metërsh dhe doli me karton të kuq. Mesi shënoi nga pika e bardhë dhe mori fund, ndërsa Vidal në shtesë thelloi shifrat.
Fitore e madhe, Barcelona +9 nga Atletiko dhe +14 nga Reali.