A dëshironi të takoni Ronaldon personalisht dhe të kaloni pak minuta kokë më kokë me të? E thjeshtë, merrni pjesë në ankandin hapur nga organizata ‘CharityStars’, e specializuar në ankande të tilla, me qëllim mbledhjen e fondeve për bamirësi.
Kauza është për t’u duartrokitur, sepse të ardhurat do të shkojnë për ‘Forever dream foundation’, shoqatë që u dhuron eksperienca unike fëmijëve dhe familjeve në kushte të vështira jetese, duke u realizuar ëndrrat nëpërmjet sportit dhe zbavitjes.
Megjithatë, ankandi arrin shifra të frikshme dhe nuk është për ne, “të vdekshmit” normalë.
Sa për ilustrim: ankandi i Ronaldos ka edhe 7 ditë kohë dhe në këtë moment oferta më e lartë është 14,254 euro!
Pra, nëse dëshiron të takosh Ronaldon, bëji gati një shifër më të lartë se kaq, ndoshta shumë më të lartë, llogarit edhe shpenzimet e udhëtimit, fjetjes e ushqimit në Madrid dhe… telefon e bluzë të Realit me vete, për foto e firma!
Want to have a private one-on-one meet & greet with the legendary @Cristiano? https://t.co/OLSKWKw3lv #CristianoRonaldo #RealMadrid pic.twitter.com/vF8nT1cfDy
— CharityStars (@CharityStars) September 25, 2017