Manuel Nojer mund të mungojë për një kohë më të gjatë nga sa ishte parashikuar. Portieri i Bajernit dhe kombëtares gjermane ka deklaruar se mund t’i nevojitet të qëndrojë rreth 6 muaj jashtë fushe, për shkak të frakturës të rëndë që pësoi në këmbë gjatë muajit të shkuar.
Portieri i konsideruar më i miri në botë nuk ka pasur fat muajt e fundit, pasi edhe në muajin prill në ndeshjen me Realin e Madridit, e vlefshme për çerekfinalet e Champions League, u dëmtua.
“Ndoshta do të duhen edhe 6 muaj të tjerë. Plaga duhet të qëndrojë e pastër e në qetësi dhe që cdo gjë të shkojë në vendin e vet”, deklaron portieri gjerman, që synon të jetë në formë optimale për Botërorin Rusi 2018.