Seria A italiane ka një histori të pasur, ka pasur gjithmonë një rivalitet të madh dhe një numër të pakrahasueshëm talentesh të mëdha futbolli. Juventus, Milan, Inter, Lazio, Parma, Fiorentina, Roma… Shumëkush kujton menjëherë “kohët më të mira” dhe mendon për romancën e futbollit të fillim viteve 2000.
Christian Vieri përshkroi më së miri se sa të fuqishëm ishin ata futbollistë. Vetë sulmuesi legjendar ishte një frikë dhe tmerr për të gjitha mbrojtjet kundërshtare, por ai i dha një meritë të veçantë sulmuesit të famshëm që bëri mrekulli në fanellën e Interit, Ronaldos fenomenit.
“Një herë kur luanim në Meazza, pashë tabelën e rezultateve dhe pashë që ishte minuta e 41-të. U ngjita te Ronaldo dhe i thashë: “Çfarë ka me ty? A je i dëmtuar?”. Ai njeri shënonte çdo gjysmë ore, ishte e çuditshme nëse nuk shënonte gol në 40 minuta lojë”, shpjegoi Vieri, i cili vlerësoi dy ikona të tjera të Serisë A.
“Kur Crespo nuk shënonte gol në dy ndeshje radhazi, e pyeta nëse gjithçka ishte në rregull me të. Ju nuk prisni që një sulmues si ai të shkojë një ndeshje pa shënuar gol. Nëse Totti ka pasur edhe një ndeshje pa gol, më është dashur ta telefonoj dhe ta pyes nëse ka ndonjë problem privat, nëse i dhemb këmba, nëse gjithçka është në rregull me të”, tha Vieri. /Elio Hajdari-Sport Ekspres/