Stefano Pioli beson ende te një kualifikim i Milanit në finale të Ligës së Kampionëve. Trajneri i kuqezinjve kërkon të befasojë skeptikët, teksa është shprehur në konferencën e sotme për shtyp se ekipi i tij mund të luajë një ndeshje të madhe.
“Nuk është e lehtë të përgatitemi për nesër, por ne kemi një objektiv të rëndësishëm: të fitojmë ndeshjen për t’u kualifikuar në finale që askush nuk do ta kishte parashikuar kurrë. Askush nuk mendon ende se Milani mund të arrijë në finale. Unë e di që mund të luajmë një ndeshje e madhe”, është shprehur Stefano Pioli./Halit Delibashi-Sport Ekspres/