Nderim Nexhipi ishte padyshim pjesë e historisë që ka shkruar Ballkani. Dy herë fitues të titullit kampion në Kosovë dhe njëkohësisht pjesëmarrës në grupet e Conference League. Megjithatë drejtori i njohur është larguar. Vetë klubi i Ballkanit ka zyrtarizuar gjithçka, teksa ky largim ka ardhur për arsye familjare.
“Në koordinim të dyanshëm, klubi e ka pranuar kërkesën e drejtorit sportiv, Nderim Nexhipi, që për shkaqe familjare, nuk mundet të vazhdojë qëndrimin e mëtutjeshëm në Kosovë. Duke e falenderuar për kontributin e çmuar në rrugëtimet tona të suksseshme, për të FC BALLKANI gjithmonë do të mbetet një shtëpi e hapur”, shkruhet në reagim. /Elio Hajdari-Sport Ekspres/