Ronaldinjo vazhdon të kryejë arrestin e shtëpisë në hotelin luksoz në Paraguaji. Ish-fituesi i Topit të Artë duket se nuk ia ka kaluar aspak keq gjatë këtyre muajve. Gazeta “Hoy” zbulon se festat, alkooli dhe femrat e kanë shoqëruar yllin brazilian së bashku me vëllain e tij. Dëshmitarë anonimë konfrimojnë gjithçka dhe japin më tepër detaje për këtë arrest shtëpie që do e kishin zili të gjithë.
“Në parkimin nëntokë të hotelit ka vazhdimisht hyrje-dalje të vajzave tërheqësi, të cilat futen në mënyrë të fshehtë. Ato arrijnë, qendrojnë deri në agim dhe largohen në fshehtësi të shoqëruara me makina me xhama të zinj. Alkooli shpërthen lirshëm dhe muzika luhet me zë të lartë”, është njëra prej dëshmive që sillet nga “Hoy”./Halit Delibashi-Sport Ekspres/