Një punë kolosale, miliona euro të investuara dhe një stadium që do të kthehet në shtëpinë e Kombëtares, ashtu si ishte “Qemal Stafa” deri para pak vitesh: “Arena Kombëtare” po merr formë dita-ditës dhe faza aktuale e punimeve tregon se skeleti i stadiumi është drejt përfundimit, që do të thotë se së shpejti do të nisë puna për shkallët.
Ritmet e punimeve janë shumë të larta, ndaj gjatë gjithë verës synohet që të përfundojë gjithçka në lidhje me shkallët dhe ambientet e brendshme, për t’u përqendruar më pas te faza finale, përgatitja e fushës, që duhet të jetë e standardeve më të larta.