Sot është luajtur edhe ndeshja e fundit e javës së 24-t e Kategorisë së Parë. Apolonia ka tronditur Bylisin në Fier, duke e mposhtur me rezultatin e thellë 3-0. Dy golat e parë kanë ardhur në minutat e 25 dhe të 31-të, ndërsa rezultati përfundimtar do të fiksohej në minutën e 56 të pjesës së dytë.
Kjo fitore e dërgon Apoloninë në kuotën e 41 pikëve, vetëm 7 pikë nga vendi i tretë që të siguron një biletë për në “play off” për në “Abissnet Superiore”. Nga derbi mes Apolonisë dhe Bylisit përfiton edhe Erzeni. Këta të fundit gjenden në krye të renditjes së Kategorisë së Parë, me pikë të barabarta me ekipin mallakastriot, duke e bërë më të ndezur garën në këtë ligë./Halit Delibashi-Sport Ekspres/