Erion Veliaj ka dalë për të ndikuar në garën për president të FSHF pasi sipas tij funksionohet në mënyrë skandaloze, ndërsa Agollit i kujtohet pritja pas Europianit. Ish-mbrojtësi i Kombëtares tregon për Sport Magazine në Ora News sesi Veliaj lavdëronte Dukën.
“Kur kam dëgjuar këtë deklaratë, mu kujtua që pas ndeshjes me Rumaninë, ndalesa jonë e parë kur u kthyem në Tiranë, ishte te Bashkia. U shtrua një tapetë i kuq. Veliaj mbajti një fjalim 45 minuta. 35 minuta ishin arritjet e FSHF me në krye Dukën dhe 10 minuta u fol për skuadrën. Është i njëjti njeri që para pak kohësh e çoni Dukën në Jupiter. Fliste me fjalë magjike”, tha Agolli. /Sport Ekspres/