Franca do të përballet ndaj Anglisë në çerekfinale. Para këtij takimi, ishte Ismet Munishi që ka dhënë një deklaratë për “RTV Dukagjini”. Si gjithmonë i veçantë në deklaratat e tij, trajneri që luftoi me Ilir Dajën për titullin kampion në sezonin e shkuar, është shprehur i gatshëm për ta ndihmuar Southgate që të eliminohet Franca.
“Lojtarët e Francës i shohim me Anglinë. Ai Southgate, po deshi të eliminojë Francën, të më thirri mua në telefon. Ai ka vetëm një problem, si të ndali Mbapen. Dembele e humb topin vetë, del me topin jashtë fushe. Ky tjetri, Giroud, e pret ndonjë top në ajër, po ia ndërpreve oksigjenin, nuk ka se çfarë bën”, tha Munishi. /Elio Hajdari-Sport Ekspres/