Në emisionin “Sport Magazine” që transmetohet në “Ora Neës” është folur mbi Europianin që ka shkuar në fazën gjysmëfinale. Itali-Spanjë dhe Danimarkë-Angli janë dy përballjet që pritet të zhvillohen ku do të shkohet edhe në fazën finale. Gjatë një lidhje me një gazetar nga Kosova dhe ky i fundit ka zbuluar se bën tifoz për Italinë: “E di se ju aty në Shqipëri bëni shumë tifoz për Italinë, edhe unë gjithashtu në këtë kampionat”.
Altin Sulçe nga ana tjetër kujton Kombëtaren e tij të zemrës, Anglinë. Në këtë moment ka ardhur edhe basti: “Atëherë e lëmë kështu, Angli-Itali në finale dhe kush humbet paguan drekën”. Batutën në studio e ka dhënë trajneri Edmond Ruço: “Do të hash drekën qyl, Altin, ti duhet të bësh gati portofolin”, ishte këshilla e Ruços. /Sport Ekspres/