Arben Manaj ishte në një lidhje direkte për “Procesin Sportiv” nga Londra, atje ku ka komentuar situatën para ndeshjes mes Anglisë dhe Shqipërisë. Ajo që pritet është ulja në gjunjë e lojtarëve të Shqipërisë së bashku me ata anglez, para nisjes së ndeshjes, duke përmirësuar më shumë imazhin e vendit tonë. “Angli-Shqipëri? Është më e rëndësishme për imazhin sesa për rezultatin. Shqipëria duhet të dijë të luajë me mend, jo në fushën e lojës. Shqipëria duhet të shfrytëzojë faktin se në Angli është shumë e ndjeshme çështja e rrëzimit.
Nëse Shqipëria ulet në gjunjë siç e bën Anglia para ndeshjes, do ta vlerësojnë shumë pasi Polonia dhe Hungaria nuk e bënë. Nga burimet e mia kam siguruar informacionin se presidenti Duka e ka konfirmuar këtë ulje në gjunjë para ndeshjes me Anglinë. Biletat janë Sold-Out, nuk ka më mundësi për të gjetur një biletë kundër Shqipërisë. Në Ëembley do të ketë shumë tifozë shqiptarë”, tha Manaj. /Elio Hajdari-Sport Ekspres/