Alegri: Kaos, vetëm rezultati ishte i mirë

Juventusi vuajti pa fund në Lisbonë, por Higuain i dha një pikë të artë, që afron kualifikimin. Gjithsesi, trajneri Maks Alegri ka mbetur i zhgënjyer, duke kritikuar ashpër të tijtë.

“Fatkeqësisht, jemi një skuadër që ka nevojë të ketë frikë për të dhuruar ndeshje të mira. Kualifikimi nuk është aspak i mbyllur, tani kemi dy ndeshje të vështira. Bëmë kaos, pas barazimit nuk patëm guxim të kërkonim fitoren dhe nga Lisbona mbajmë vetëm rezultatin, që ishte gjëja më e mirë”.