E kanë ndjekur disa klube të huaj prej të paktën një viti, por Alban Hoxha nuk është bindur për të lënë Partizanin.
Kapiteni i të kuqve tashmë ka vendosur të qëndrojë në Shqipëri dhe sot Partizani ka njoftuar rinovimin për 3 vite me portierin e kombëtares.
Hoxha, pjesë e 15-të herë kampionëve të vendit nga sezoni 2013-2014, është shndërruar në një lider dhe rinovimi i tij është një tjetër sinjal i fortë se Partizani e ka seriozisht për të ardhmen.
