Një futbollist ndahet nga jeta dhe ai është 31-vjeçari Arbër Aliu. Me futbollin e luajtur i kishte shkëputur prej kohësh marrëdhëniet, ndërkohë që tanimë një aksident me motor uji i ka marrë jetën një ditë më parë.
Aliu, hapat e parë si futbollist i kishte hedhur te Partizani, për t’u aktivizuar më pas në ekipe si Kamza, Turbina, Skënderbeu, Tërbuni dhe për ta mbyllur në fund me Erzenin e Shijakut. Nesër Aliu pritet të përcillet më banesën e fundit dhe janë të shumtë ata që janë pikëlluar për humbjen e tij.