Këtë të enjte Mançester Siti do të presë Liverpulin në një ndeshje, ku vetëm fitorja do t’i bëjë punë klubit të Pep Guardiolës, që për momentin ndodhet shtatë pikë larg kryesuesve të Premier Ligës.
Nëse shfletojmë librat e statistikave, te Siti mund të motivohen shumë, sidomos sulmuesi Kun Aguero. Liverpuli është “preja e preferuar bomberit argjentinas. Ecuria e 30-vjeçarit kundër të kuqve është e pabesueshme, Aguero ka shënuar në të gjitha ndeshjet kundër Liverpulit në stadiumin Etihad (6 takime).
Sulmuesi i kampionëve në fuqi është një ndër ata lojtarë që e tregon veten në ndeshje të rëndësishme, në ndryshim nga “bombera” të tjerë që shënojnë tripleta ndaj skuadrave të fundit tabelës, ndërsa kur vihen përballë ekipeve të kreut nuk duken në fushë.