Zyrtarisht nga Tirana janë larguar Dejan Blazhevski dhe Sedat Berisha, ndërkohë që ende nuk është afruar asnjë lojtar. Kjo situatë pritet të ndryshojë dhe kjo më shumë mundësi ditën e nesërme. Afrimi i parë do të jetë një mbrojtës.
Bëhet fjalë për Jurgen Goxhën, i cili e mbylli pjesën e parë të sezonit tek Erzeni. Ai ra në sy madje edhe për golat e shënuar, 7 në 12 ndeshje. Për t’u pasur zili kur flitet për një qendërmbrojtës, i cili në të shkuarën ka luajtur edhe me Ilirinë, Besëlidhjen e Shënkolli.
Sportekspres.com mëson se sot Goxha ka tërhequr lejekalimin nga Erzeni, klub që nuk e ka penduar mbrojtësin të provojë eksperiencën e parë në Kategorinë Superiore. Tashmë nuk ka më asnjë pengesë dhe pritet firma mbi kontratë, gjë që pritet të ndodhë nesër.
