Cristiano Ronaldo u rikthye aty ku nisi rrugëtimin e një karriere legjendare. Prej ditës së djeshme, portugezi është lojtari më i ri i Manchester United. Së bashku me blerjet e reja si Varane dhe Sancho, “djajtë e kuq” do te synojnë fitimin e Premier Leagues dhe Champions League.
Përveç gjenialitetit në fushën e lojës, 36 vjeçari është një burim i madh të ardhurash. Që prej konfirmimit pak orë më parë se Ronaldo do të jetë pjesë e Manchester United, vlera në bursë e kësaj skuadre u rrit me 250 milionë euro, ose ndryshe me 8%. Në ditët në vazhdim pritet që të ardhurat nga fanellat e shitura të jenë kolosale për klubin anglez. /Elio Hajdari-Sport Ekspres/