Absurditeti i madh erdhi nga Apolonia e femrave në finalen ndaj Vllaznisë. Teksa do të luhej Kupa e Shqipërisë dhe FSHF kishte marrë masat për organizimin e ndeshjes, vetëm ekipi i Vllaznisë u paraqit në fushë. Për këtë arsye Disiplina vendosi që shkodranet të fitojnë n? tavolinë dhe njëkohësisht Apolonia përjashtohet nga gara për sezonin tjetër. /Sport Ekspres/
Apolonia – Femra, për braktisjen e ndeshjes finale të vlefshme për Kupën e Shqipërisë Femra, kundër Vllaznia – Femra, në bazë të nenit 54/1 të KDS, humbet ndeshjen në tavolinë me rezultatin 3-0. Në bazë të nenit 32.2 të Rregullores së Veprimtarisë Futbollistike, përjashtohet nga gara në sezonin pasardhës dhe dënohet me gjobë në masën 200.000 (dyqind mijë) lekë. Në zbatim të nenit 116/1/d të KDS, gjoba të aplikohet në masën 5%.