Mario Dajsinani është futbollisti më i përzgjedhur në formacionin e javës të “Abissnet Superiore” nga trajnerët e ekipeve Kombëtare të moshave.
Sipas statistikave, portieri i Egnatias dhe i Kombëtares shqiptare është përzgjedhur 7 herë në 18 javët e para të kampionatit “Abissnet Superiore”.
Dajsinani ka qenë një nga pikat kyçe të Egnatias, duke luajtur rol vendimtar me pritjet e tij dhe duke ndikuar drejtpërdrejt në rezultate të rëndësishme. Egnatia kryeson kampionatin me 37 pikë, katër më shumë se AF Elbasani i vendit të dytë.
Pas Dajsinanit, futbollistët që janë përzgjedhur më shpesh në formacionin e javës në 18 javët e para të kampionatit janë Albano Aleksi (Egnatia), Arbenit Xhemjali (Egnatia), Bruno Lulaj (AF Elbasani), Diallo Ibrahima Sory (AF Elbasani), Bekim Balaj (Vllaznia) dhe Dejvi Bregu (Dinamo City), nga 5 herë secili.