Shqipëria ka nisur të vetëizolohet dhe të marrë masa të ashpëra për të shmangur kontaktin mes njerëzve. Si e vetmja mënyrë për tu mbrojtur nga ky virus qeveria po nxit qendrimin në shtëpi të të gjithë banorëve. Në një njoftim të ditës së sotme Kryeministri Edi Rama ka thënë se prej mëngjesit të së premtes e deri në orët e vona të së dielës nuk do të lejohet qarkullimi i asnjë autombjeti privat.
Ndonëse pati një urdhër për ndalimin e pinjave të urbanit, në njoftimin e dytë theksohet se edhe mjetet private nuk do te lejohen të qarkullojnë. Kjo të bën të mendosh se edhe zhvillimi i kësaj jave të kampionatit nuk do të zhvillohet. Bëhet fjalë për lëvizjen e autobuzëve të lojtarëve ose makinave të tyre private. Megjithëse ende nuk ka një njoftim zyrtar nga FSHF, këtë fundjavë vështirë se mund të luhet futboll./Sport Ekspres/
