Skënder Gega është zëvendësuesi i Migen Memellit. Skënderbeu nuk ka vonuar shumë pas shkarkimit të Migen Memellit për të gjetur trajnerin e ri. Madje, janë kërkuar vetëm pak orë që skuadra të vendos njoftimin zyrtar për teknikun e saj. Bëhet fjalë për Skënder Gegën që pritej te Partizani më herët por tanimë do të jetë pjesë e Skënderbeut.
NJOFTIMI: Tekniku Skënder Gega është zyrtarisht trajner i Skënderbeut. Presidenti Ardjan Takaj ka arritur marrëveshjen e bashkëpunimit me trajnerin e mirënjohur. Gega do të vendoset menjëherë në shërbim të ekipit dhe prej nesër pas prezantimit me ekipin do të nisë përgatitjet për takimin e radhës ndaj Laçit në transfertë!