Për të katërtin vit radhazi, FC Helzag u shpall ekipi kampion i “FSHF Sunday League” në formatin 11×11 në zonën e Korçës.
Në finale, Helzag mposhti ekipin Bulgareci me rezultatin 3-1, duke siguruar trofeun e pestë në historinë e saj në këtë ligë amatore. Skuadra dominoi takimin në stadiumin “Skënderbeu” dhe nuk e vendosi asnjëherë në diskutim finalen.
Në përfundim të ndeshjes, Departamenti i Futbollit Amator në FSHF zhvilloi ceremoninë e dorëzimit të trofeut dhe medaljeve, duke vlerësuar pjesëmarrjen dhe kontributin e ekipeve në zhvillimin e futbollit amator në vend.