Ish-lojtari i Kombëtares, Azdren Llullaku, më herët ka luajtur edhe për Astanën. Për këtë arsye në Kazakistan e kanë marrë në intervistë për t’i marrë një mendim rreth ndeshjes që do të kenë me Partizanin në turin e Play Off të Conference League.
“Astana do të ketë një ndeshje të vështirë. Duhet me patjetër që ta fitojnë ndeshjen në shtëpi, kazakët kanë forcë dhe një numër të madh tifozësh. Gjëja kryesore është të mos humbasësh në Shqipëri. Të dy ekipet kanë një formacion cilësor dhe trajnerë të fortë.
Pres që të shoh idetë taktike të trajnerëve të dy ekipeve. Për Partizanin nuk do të jetë e lehtë që të luajë në shtëpinë e Astanës, prandaj Astana duhet që ta fitojë ndeshjen në shtëpi me patjetër”, tha Llullaku. /Elio Hajdari-Sport Ekspres/