Giacomo Stabile debutoi sot me fanellën e Interit. Lojtari 18-vjeçar shënoi golin e katërt në fitoren e sotme 4-2 kundër Egnatias. Mbrojtësi i zikaltërve ka folur për kanalin zyrtar të klubit pas përfundimit të kësaj miqësoreje, ku ka treguar ndjesitë e tij. Stabile thotë se debutimi ndaj Egnatias është një ëndërr e përmbushur për të dhe goli i shënuar ia shton edhe më tepër bukurinë.
“Ishte një ëndërr të deutoja në këtë ndeshje. Për më tepër, edhe të bëja gol. Është vërtetë një ëndërr. Nuk kam fjalë. Me siguri që kam shumë për të përmirësuar. Sidomos në aspektin mbrojtës, në lojën një kundër një. Model kam Bastonin, që e shoh përditë dhe Van Dijk-un”, ka thënë Giacomo Stabile./Halit Delibashi-Sport Ekspres/