Empoli i shqiptarëve ka zhgënjyer në Kupën e Italisë. Skuadra e drejtuar nga Zaneti do të humbiste me shifrat 1-2 nga Citadela. Pas kësaj disfate, ky ekip është eliminuar nga Kupa dhe tani hedh vështrimin te kampionati.
Ardian Ismajli ka shkëlqyer në mbrojtje pavarësisht rezultatit. Kulmi arriti në minutën e 90 kur mbrojtësi shqiptar hoqi një gol të sigurt pas ekzekutimit të penalltisë te Citadela. Por pavarësisht kësaj mrekullie, Empoli është eliminuar dhe as aktivizimi i Stiven Shpendit në pjesën e dytë nuk e ndryshoi historinë e takimit. /Sport Ekspres/