Milani dhe Real Madridi zhvilluan një ndeshje miqësore në të cilën pamë deri në pesë gola dhe në fund, pas një kthese të madhe, madrilenët përmbysën rezultatin.
Kuqezinjtë kryesonin 2-0 pas pjesës së parë me golat e Tomorit dhe Romeros, por në pjesën tjetër të ndeshjes, Reali tha fjalën e tij për ta mbyllur në 2-3.
Megjithatë, ndeshja mes Milanit dhe Realit në fund ishte totalisht në prapavijë për shkak të skenave të pakëndshme që pamë para fillimit të kësaj ndeshje.
Në qendër të vëmendjes ishte ish-futbollisti i Newcastle, Shaka Hislop, i cili ishte i ftuar i ESPN-së para fillimit të ndeshjes dhe po fliste në fushë për ndeshjen.
Hislop u sëmur gjatë transmetimit të drejtpërdrejtë dhe humbi ndjenjat, duke u rrëzuar mbi prezantuesin që i qëndronte pranë.
Askush nuk e kishte të qartë se çfarë po ndodhte, por për fat ambulanca ishte shumë afër dhe menjëherë vrapuan për të ndihmuar Hislopin.
Sipas informacioneve të para që vijnë, ish-futbollisti është në vetëdije dhe ndodhet në spital, ku do t’i nënshtrohen ekzaminimeve të detajuara për të zbuluar arsyen se pse ai u sëmur kaq papritur. /Elio Hajdari-Sport Ekspres/
??Positive thoughts going out to Shaka Hislop. Hoping it’s just the heat pic.twitter.com/knYukWu2dX
— Tyler Needong (@TyNeedong) July 24, 2023