“Tirona Fanatics” i është përgjigjur thirrjes së bërë nga klubi i zemrës për të mbushur stadiumin “Air Albania” në 13 korrik. Tirana do të përballet me Dinamon e Batumit në turin e parë kualifikues të Conference League-s dhe kërkon mbështetjen e tifozëve për të mposhtur kundërshtarin. Përmes një postimi në faqen zyrtare në “Facebook”, ultrasit bardheblu kanë njoftuar se do të jenë në “Air Albania” në 13 korrik, duke premtuar edhe spektakël.
“Më datë 13 korrik, në orën 20:00 Tirona kthehet të luajë në “Air Albania” për ndeshjen e parë kualifikuese të “Conference League”-s kundër Dinamo Batumit. FANATICS DO TË JENË ATY! Biletat shiten prej ditës së nesërme e spektakli është i garantuar. Vetëm për TIRONËN! Vetëm me FANATICS”, ka njoftuar grupimi “Tirona Fanatics”./Halit Delibashi-Sport Ekspres/