Argjentina zhvilloi një takim miqësor kundër Australisë në Kinën e largët, të cilin kampionët e Botës fituan me rezultatin 2-0. Lionel Mesi nuk mund të qendronte larg protagonizmit. Që në minutën e dytë ylli argjentinas shënon një gol mahnitës. Por ky nuk ishte i vetmi rast që nxorri në pah vlerat e tij të jashtëzakonshme.
Megjithëse në një moshë madhore dhe tashmë i larguar nga niveli i lartë i futbollit europian, klasi në këmbët e tij nuk është venitur ende. Në rrjet ka nisur të shpërndahen pamjet e një driblimi mbresëlënës të 7 herë fituesit të Topit të Artë. Me një kontroll impresionues të topit, Mesi driblon dhe trullos tre lojtarë australianë. Një driblim i një vështirësie mjaft të madhe, por i cili duket mjaft i lehtë kur kryehet nga Lionel Mesi./Halit Delibashi-Sport Ekspres/
THIS angle of spectacular dribble by Leo Messi against Australia!
EXTRATERRESTRIAL ??? pic.twitter.com/oRC3eaJXRT
— Sara ? (@SaraFCBi) June 16, 2023