Federiko Dimarko ka marrë një mesazh kërcënues nga ultrasit e Milanit. Futbollisti i Interit ka parë pranë shtëpisë një baner me një mesazh aspak të bukur për të. “Dimarco mendo të luash… ose do të bëjmë të gëlltisësh gjuhën”, shkruhej në banerin e shpalosur nga ultrasit e Milanit.
Ngjarja lidhet me gjysmëfinalen e dytë të Ligës së Kampionëve, kur pas kualifikimit në finale, Dimarko i është bashkuar tifozëve të Interit në koret e tyre fyese karshi Milanit. Një veprim për të cilin vetë lojtari ka kërkuar falje përmes llogarisë së tij zyrtare në “Instagram”./Halit Delibashi-Sport Ekspres/