Luçiano Spaleti arriti një sukses të jashtëzakonshëm këtë sezon. Pas 33 viteve titulli kampion rikthehet në Napoli. Trajneri italian zhvilloi një sezon për t’u duartrokitur në krye të të kaltërve, të cilët nuk e fitonin këtë trofe që në kohën e Diego Armando Maradonës.
Por në fund shpërblimi që mund të marrë është një… shkarkim nga detyra. Mediat italiane raportojnë se ka një raport të tensionuar mes Spaletit dhe presidentit De Laurentis. Marrëdhënia e tyre po shkon drejt përkeqësimit, prandaj ndarja duket alternativa më e mundshme për palët. Ndërkohë De Laurentisi ka piketuar edhe disa nga kandidatët që mund të marrin stolin e Napolit. Dy emrat më të përfolur janë Konte dhe Benitez, ndërsa lista vazhdon edhe me De Zerbin, Gasperinin dhe Italianon./Halit Delibashi-Sport Ekspres/