Milot Rashica u përshtat mjaft mirë në kampionatin turk, ku po jep kontributin e tij për rrugëtimin e Gallatasarait drejt titullit kampion. Paraqitjet e tij janë vlerësuar edhe nga klubi nga Stambolli. “Fanatik” raporton se presidenti, drejtori sportiv dhe trajneri i Gallatasarait janë ulur për të planifikuar merkaton e verës.
Të tre janë në të njëjtin mendim për lojtarët që duhet të mbajnë në Stamboll sezonin e ardhshëm. Klubi i Gallatasarait do të përpiqet të mbajë në skuadër Milot Rashicën dhe Mauro Ikardin. Media turke raporton se marrëveshja me Noruiçin për pagesën e 5 milionë eurove duket më tepër formalitet, ndërsa situata me Ikardin paraqitet më e vështirë./Halit Delibashi-Sport Ekspres