Tirana kërkon shkëputjen e sigurt në Superiore në këto javë të fundit, për të arritur te titulli kampion. Diferenca me Partizanin është vetëm dy pikë për momentin, por bardheblutë mund ta rrisin në këtë javë.
Të kuqtë do të kenë përballje më të vështirë pasi do të ndeshen me Lacin në transfertë. Kurbinasit janë të detyruar për të marrë rezultat pozitiv, pasi në të kundërt rrezikojnë seriozisht vendin e Play Out. Nga ana tjetër, Tirana pret në shtëpi Egnatian.
Kjo e fundit ka lojtarë shumë cilësorë organik, ndoshta nga më të mirët në Superiore, por ekipi i Shehit luan në shtëpi dhe kundër një kundërshtari që mund të jetë disi “i rehatuar” nga rezultatet e arritura në këtë sezon. Nëse Tirana do të rriste diferencën e pikëve edhe në këtë javë, derbi nuk do të jetë më një finale e madhe që do të vendosi për titullin. /Sport Ekspres/