Giusepe Mucera ka përjetuar një nga momentet më të këqija në karrierën e tij. Arbitrit italian i ishte besuar ndeshja mes Vicenza-s dhe Arzingan Vlachiampo-s, të cilën e përfundoi me një gafë trashanike. Vincenza ishte duke sulmuar për të gjetur golin e barazimit dhe kishte më shumë lojtarë në fushë. Por shpresat e tyre për të kthyer baraspeshën u shuan përpara kohe.
Mucera i fryn bilbilit për të sinjalizuar fundin e lojë, por menjëherë vendos duart në kokë kur kupton se çfarë ka bërë. Skuadrat kishin ende kohë në dispozicion përpara vërshëllimës së trefishtë, prandaj arbitri vendos të nisë përsëri ndeshjen, për t’u kompensuar lojtarëve 1 minutëshin e mbetur të lojës. Fatmirësisht për të, rezultati qendron i pandryshuar./Halit Delibashi-Sport Ekspres/